طريقة عمل لحمة الراس

75

Get real time updates directly on you device, subscribe now.

ادي لحمة الراس
فيه ناس مالهاش تقل عليها
لكن طعمتها رووعة
جايبهالكم بالطربقة الصعيدي
كيلو لحم راس
بصل شرايح تقريبا نصف كيلو
وملح وفلفل
وورق لوري وحبهان ومستكه
وقرنفل وعود قرفة
(رشة زعتر،رشة توم بودر ،رشة بصل بودر اختياري )

نغسلها كويس بميه ودقيق وملح وخل ونغسلها اكتر من مرتين تلاته وتتنقع في ماء وملح وليمون
للسلق نحط بصلة وعود قرفة صغير حبهان ورق لوري
ونسيبها تاخد غلوتين تقريبا نصف ساعة غليان

وبعدين نغير المية ونحط بصلة مبشور وطماطم مبشورة وملح وفلفل وورق لورا وحبهان ومستكه وقرنفل والقرفة
ونسيبها لحد ما تاخد ٣/٤سوا
بعد كدة اقطعها قطع صغيرة واحطها علي جنب

بالنسبة للنصف كيلو البصل نشوحه بزيت وعلى نار هادئة تماما لحد ما يتكرمل البصل يعنى يوصل للون الكراميل وما يتحرقش
دي طبعا حتاخد وقت طويل تقريبا ساعه
انا بقي بعمل حاجة تانية افضل بمعني اصح اسهل واختصارا للوقت اقلب حوالى ١٠ دقائق وبعدين احط ملعقة او 2 صويا صوص على طول ياخد لون وطعم البصل المكرمل
• حطى اللحمة القطع الصغيرة ونشوحها شوية وبعدين نضيف رشة زعتر رشة توم بودر رشة بصل بودر فلفل وملح واقلب شوية
احطها فى صينية مع مغرفتين شوربة وقرنين فلفل حار من غير تقطيع واحطها فى الفرن لحد ما تتشرب الشوربة

وطبعا خطوه اساسيه نولع حته فحمه كبيره علي النار ونجيب ورقه فويل ونحط فيها حته سمنه ونحطها في وسط الصنيه ونحط عليها الفحمه المولعه هتطلع دخان نقفل عليها كويس علشان الريحه تتشرب في الاكل لحد ما يخلص الدخان
بتخلي الاكل طعمه تحفه زي المشوي تمام
وبالهنا والشفا

 

Get real time updates directly on you device, subscribe now.

التعليقات متوقفه