متخليش حد (يسخنك علي ولادك)

29

Get real time updates directly on you device, subscribe now.

اوعي تخلي حد (يسخّنك) على ولادك ..

حتى لو أقرب الناس ليكي ..

اوعي تتدايقي من نظرات او غمزات الاخرين على تصرفات ولادك … فتقومي تصبي غضبك على الطفل ..
عشان فلانة او علانة بصيتلك بصة حرقت دمك لما شافت ابنك بيتنطط او بنتك مش راضية تسكت ..

الطفل مالوش ذنب انها عاوزة تدايقك ..

يا تردي عليها بهدوء و تفهميها انه ده طفل و لازم تطول بالنا معاه يا تغيري الموضوع ..

لكن تدمري نفسية طفلك و تظلميه عشان خاطرهم !!
هو مين الاغلى عندك ؟؟

لو عاوزة تستشيري حد يبقى تستشيري متخصص يفيدك.. اما تسمعي نصايحهم العظيمة ( الولد ده محتاج يتضرب ..البنت دي اكسري رقبتها ) قوليلهم لا شكرا وفروا نصايحكو لنفسكو مش هدمر علاقتي بابني عشان حد ..

لو ابني غلط يبقى محتاج اعدل سلوكه( و ده بياخد وقت و خطوات )..

أما الضرب مش تعديل سلوك خالص ده معالجة غلط بغلط اكبر
و غالبا بيبقى لارضاء الاخرين .. و نتيجته عواقب وخيمة لسنوات طويلة

و افتكري ان انتي اللي هتشيلي نتيجة التربية الغلط لوحدك مش هم ..

انتي اللي هتحصدي لوحدك العواقب .. و هم هيبقى كل واحد في حياته وولاده ..

يعني اللي قاعدين يسخنوكي مش هينفعوكي و لا هيعملولك حاجة لو ابنك حصلله اضطرابات نفسية ..

انتي اللي هتشيلي لوحدك .. عشانه ابنك انتي مش ابنهم

Get real time updates directly on you device, subscribe now.

التعليقات متوقفه