Get real time updates directly on you device, subscribe now.
تحدث دكتور أحمد أمين علي صفحته الشخصية فيس بوك حول شراء الأمهات لملابس ابنائهم بمقاسات اوسع من اللازم ووجه كلمته للامهات قائلا :
كلمة للأمهات اللي بتجيب لبس كبير على ولادها عشان يقضيهم للسنة الجاية و اللي بعديها و اللي بعديها .. متعمليش كده ارجوكي ..
المسألة مش مسألة شكل مبهوأ ولا منظر مش لطيف .. دي ابسط حاجة
انتي عارفة ان الاطفال اللي بيلبسوا هدوم واسعة عليهم بيبقو اكثر عرضة للتعرض للحروق و ده لأن الهدوم الواسعة اكثر قابلية انها تمسك في النار عن الهدوم المضبوطة على طفلك ؟
طيب عارفة كمان ان الاطفال اللي بيلبسوا هدوم واسعة عليهم بيبقوا اكثر عرضة للاصابات و الحوادث ؟
طيب عارفة انهم اكتشفوا ان الاطفال اللي بتلبس هدوم مش مقاسها بيبقوا اقل كتير من ناحية التطور الحركي ؟
طيب عارفة ان في دراسة اكتشفت ان الناس بتستهيف الشخص اللي لابس هدوم واسعة عليه و بيعاملوه بطريقة اقل احتراما ؟ ((عشان كده لازم هدوم ضباط الشرطة و الجيش لبسهم يبقى custom fit)) متخليش حد يستهيف ابنك و يفقده ثقته في نفسه ارجوكي ..
هاتوا هدوم مقاس ولادكم .. بلاش العادة المصرية دي .. اساسا لو تلاحظي لما السنة الجاية او اللي بعديها بتيجي و الهدوم بتبقى على مقاس الطفل بيكون اللبس اتبهدل و مبقاش صالح للبس اساسا ..
هاتي لابنك حاجة واحده او حاجتين مضبوطين احسن بكتير لما تجيبي عشرين حاجة واسعة و تقولي اصلهم هيكفوه للسنة الجاية !
التعليقات متوقفه