إنتي زوجة نكدية ولا عسلية ؟؟؟؟؟

طبعا احنا الستات مشهورين اننا نكديين وطول الوقت احنا اللي غلطانين وهما ملايكة بجناحات بس للاسف هي دي نص الحقيقة احنا ممكن نكون بنضحك ونهزر وكل حاجة حلوة فينا بس دة ميمنعش ان في وقت مش بتبقي طايقة نفسك ولا مستحملة أي ضغط من أي نوع بس دة بيأثر علي حياتنا بالسلب مش بالإيجاب وطبعا اجوازنا اللي بيبقو تعبانين طول النهار والليل دوول ليهم حق علينا ولازم نوفيه لازم الصبح تبتسمي في وشه وتحضري له الفطار وانتي مبسوطة مش قايمة غصب عنك ومتشنكة عليه وتودعيه بابتسامة وكلمة حلوة وكمان دعوة حلوة حتبصي تلاقيه بيضحك وفرحان انك مهتمة بيه وحيتصل بيكي بالنهار طبعا متسبهوش ملطوع ع التليفون لحد ما تشتمي عيل م العيال ولا تكوني بتطبخي لا اديله اهتمامه وحسسيه انك محتاجة تسمعي صوته عشان تقدري تكملي طول النهار مع حبايبي ملايكة البيت اللي ملهمش صوت خالص وطبعا استقبال خاص لما يرجع من الشغل لازم يلاقي اهتمام ونظافة وهدوووووووء اهم حاجة الهدوء وياريت تبقي نيمتي الولاد عشان يرتح شوية من تعب الشغل واوعي تستكبري انك تجيبي جردل مايه سخنة وفيها حبة شاور ةتدعكي له رجليه وفي اخر اليوم اتمني انك تكوني غيرتي فكرة ان احنا نكدييين وكشرييين لان احنا ستات زي الفل بس محتاجين حد يكتشفنا وان شاء الله حنكلم عن موضوع الزوج اللي علي طول بيزعق ويتنرفز من اقل حاجة إنتظرو كل ما هو جديد علي مجلة حماااتي