Get real time updates directly on you device, subscribe now.
ذكر دكتور الأطفال أحمد أمين في صفحته الشخصية علي فيس بوك عن ميعاد فصل الطفل عن سرير والدته وتكلم في هذا الموضوع قائلا:
ابنك ينام في سريره الخاص ((او ال baby-cot)) من اول يوم ،، مينامش جنبنا في نفس السرير .. ده بيقلل من حدوث متلازمة الموت المفاجيء للرضيع و بيخللي النوم صحي اكتر و اهدأ مش للطفل بس .. للأم كمان
طفلك ممكن تبتدي تحاولي تنيميه في اوضة لواحده من سن سنة .. الا لو بيرضع طبيعي هيبقى لما تفطميه .. في دراسة اتعملت على ٣٠ الف طفل لقت ان بعد سن السنة الاطفال اللي بينامو لوحدهم بينامو اكتر و بيتمتعو بنوم اهدء واعمق و بيكونو انشط لما يصحو
عند سن ال ٣ سنين الطفل المفروض يكون خلاص اكتسب حاجة بنسميها استقلالية النوم night time independence و اتعود انه ينام لوحده في اوضته ..
الحاجة دي مهمة لاستقلالية الطفل و بناء ثقته في نفسه و قدرته على التعامل مع الاحباطات و الازمات اللي بيواجها ،، فوق ده بتسهل عليه انه يبعد عنك و يروح الحضانة او المدرسة من غير ما يحصل له حاجة اسمها separation anxiety (اضطراب البعد عن الام) و من غير ما يعيط ويبهدل الدنيا
التعليقات متوقفه