أرز بالكبد والقوانص
لو اولادك مش بيحبوا القوانص ، اعمليها مع الكبد بالطريقة دي ، هتلاقيهم حبوها جدا واكلوها قبل الكبد كمان
الطريقة دي طعمها يشبه طعم الكبسة وممكن نعملها بالأرز البسمتي او المصري
المكونات :
– ١/٢ كيلو كبد وقوانص
– ١/٢ كيلو أرز مصري
– ٢ بصلة متوسطة مقطعة
– ٣ فصوص ثوم مفروم
– زيت + زبدة صفراء
– ملح + فلفل + كبيبه صيني + بهارات + قرفه + حبهان + كركم
الطريقة :
– اغسلي الكبد والقوانص وافصلي الكبد عن القلوب والقوانص ، وقطعي القوانص قطع صغيرة جدا.
– ضعي القوانص والقلوب والبصل والثوم والتوابل ما عدا الملح في حله على نار هادئة مع الزيت
– قلبي القوانص كويس وغطيها وهدي النار عشان تستوي من غير ما البصلة تتحرق او لونها يغمق.
– بعد ما تستوي القوانص تماماً ، زودي النار وضعي الكبد والملح وقلبي لغاية ما لون الكبد يتغير.
– اضيفي ملعقة كبيرة زبده وملعقة كبيرة كركم ، ثم اضيفي الأرز المغسول.
– قلبي كويس الارز ثم ضيفي كمية الماء المناسبة وغطي الحلة وسيبيها تستوي على نار هادئة.
وصحتين وعافيه
[…] تابع قراءة الموضوع بالكامل من الرابط التالي : أرز بالكبد والقوانص […]