طريقة كيكة التايجر اللذيذة

52

Get real time updates directly on you device, subscribe now.

المقادير *
2بيضه 2ظرف فانيلا
كوب ونص دقيق *
نص كوب لبن *
نص كوب زيت *
نص كوب سكر *
كيس بيكنج باودر *
رشه جوز هند(اختيارى)
الطريقه *
الأول تولعى الفرن على 180درجه وتدهنى صنيه خبز الكيكه بالزيت وترشيها بالدقيق وتنزلى الزياده منها
بالخلاط
تحطى الزيت والبيض والفانيلا والسكر وجوز الهند واللبن واديهم ضربه محترمه
بنفضى الخليط اللى بالخلاط ببوله وننزل عليه بالدقيق المخلوط بالبيكنج باودر وناقص منه معلقتين دقيق هحط مكانهم معلقتين كاكاو شويه شويه مع التقليب حتى نخلص كميه الدقيق
ونجيب بوله تانيه ونقسم الخليط اتنين
ونجيب الكاكاو ناخد معلقتين كبار كاكاو ونقلبهم بنص مقدار الكيك اصبح عندنا نص ابيض ونص بنى
نقلب الكاكاو مظبوط بخليط الكيك
ونجيب الصنيه بتاعتنا المدهونه زيت ومرشوشه دقيق وننزل عليها معلقه خليط ابيض وفوقها معلقه من الخليط البنى لحد مانخلص كل الكميه نجيب خله اسنان او سكين رفيع ومن نص الصنيه لبره كاننا بنقسم بسبوسه من غير مانوصل لقعر الصنيه او القالب
هتتطلع معاكى نفس الشكل اللى عملته وتدخليها الفرن وماتفتحيش عليها الا بعد نص ساعه تختبريها بسكين من النص طلع نضيف تبقى تمام اطفى الفرن طلع بعجين سبيها كمان 10 دقايق واختبريها تانى لحد ماتستوى

Get real time updates directly on you device, subscribe now.

تعليق 1
  1. […] تابع قراءة الموضوع بالكامل من الرابط التالي : طريقة كيكة التايجر اللذيذة […]

التعليقات متوقفه