انهاردة الشيف شربيني علي قناة cbcسفرة عمل صينيبة بطاطس بالسدق والتوم المفروم بس مختلفة شوية عن اللي بنعملها وقررت أعملها وطلعت تحفة وطعمها عجب الولاد جدا
المقادير
سدق
بطاطس مقطعة مكعبات ومقلية نص قلية
بصل قطع
توم مفروم
دبس رمان
طماطم
فلفل صحيح
زعتر
روز ماري
زيت
ملح
الطريقة
شوحي البصل كويس وانزلي بالتوم المفروم لحد ما البصلة تصفر وحطي كل التوابل وانزلي بالسدق وتقلبي تقلبتين وبعدين حطي دبس الرمان وبعدين تنزلي بالسدق وتحطي كوباية ماية صغيرة وتقلبي كويس وبعد شوية حطي نصف كمية البطاطس اللي مقلية نص قلية وبعدين حطي قرنين فلفل من غير تقطيع وتسبيهم شوية علي النار وتقلبي بالراحة علشان البطاطس متتكسرش منك
ناخد نص البطاطس اللي احنا قسمناه وده حيكون نص مفروم أو شرايح علي حسب ما انتي عوزة ونفرشه في صينية مدهونة بالزيت ونرش رشة ملح وفلفل وزعتر وروز ماري وقلبيهم كويس وننزل عليهم بالطاسة اللي فيها السدق والبطاطس اللي علي النار وندخلهم الفرن ويقدم مع أرز بالشعرية ألف هنا
التعليقات متوقفه