عوزة تبطلي عصبية مع ولادك تعالي اقرأي الموضوع

مقالة مهمة جدا من دكتور نفسي ياريت تستفيدي منها

لو مش عارفة تربي ولادك إتعلمي وثقفي نفسك لكن الصوت العالي عمره ماكان تربية

الصوت العالي هيكون هتكون نتيجته صوت أعلي منه

وساعتها علشان تثبتي نفسك انك مش ضعيفة حتكوني مضطرة تضربي لإن الضرب رد فعل طبيعي بعد الصوت العالي والعصبية

1: قبل أي حاجة أول ما تحسي إنك خلاص هتنفجري وتكسري وتعصبي استغفري الله مرة واستعيذي من الشيطان وخذي نفس عميق مرتين وخرجيهم ببطئ وغيري وضعك يعني لو واقفة أقعدى ولو قعدةأقفي ولو تقدري تدخلي توضي يبقي أفضل

2 أول ما تقومي الصبح عاهدي نفسك إنك :

*مش حتخاصمي طفلك

* مش حتشتميه أو تهنيه مهما كان غلطه

*مش حتضربيه نهائي

*مش حتصرخي ولا تعصبي عليه

3 أكثري من الإستغفار بنية إن ربنا يقويكي علي رباية أطفالك وتحمل تصرفاتهم

4 خليكي عرفة إنك حتحاسبي علي معاملتك ليهم أمام الله

5 خليكي فاكرة إن مليون ست غيرك محرومين من نعمة إن يكون عندهم طفل وإحمدي ربنا وإشكريه علشان يبارك لك في أولادك

6 صدقيني لو كنتي محرومة من الإنجاب كنتي بكيتي بدل الدموع دم وكنت حتتمني تكوني أم وتعاملي طفلك أحسن معاملة

7 إكتبي الكلام دة وعلقيه في المطبخ أو علي الثلاجة وكل ما تشوفي الكلام دة قولي الحمد لله علي النعمة الي عندى

لو اطفالك صغيرين جهزى ليهم مكان مناسب يلعبوا فيه بحيث لا تكون الأشياء القابلة للكسر في متناول أيديهم ..
2- قولي لنفسك دايماً أن أبناءك ما زالوا صغارًا في مرحلة استكشاف العالم الخارجي مرحلة تتميز بالحركة المستمرة والنشاط، والانطلاق
ودي حاجه تفرحك لو رزقتي بطفل كفيف او معاق او مريض كنتي هتتحرمي من نعمة اللعب مع ولادك والاستمتاع بأمومتك ..
3- لو حد من اطفالك غلط اعملي نفسك مش واخده بالك لو كان الامر مش خطير زي الاقتراب من النار او الكهربة واكتفي بتنبيه بنبره حاسمه ..
4- ولو عرف انك شفتيه وهو بيغلط . فقبل ما تبدئي في عقابة – لازم تستعيذي من الشيطان وتستغفري و تغيِّري وضعك فلو كنتي قائمة فاجلسي، وإن كنت جالسة فاضطجعي كما علمنا رسول الله (صلى الله عليه وسلم) في حالات الغضب وده هيخليكي تهدي خالص ..
5- فكري نفسك دايماً ان ولادك لا دخل لهم في الضغوط والتوترات اللي بتأثر سلبياً عليكي وأنه لا حول لهم ولا قوة، وإذا دعتك قوتك لعقابهم فتذكَّري قوة الله عليك ..
6- كافئي نفسك بعبارات مشجعه في كل موقف تتحكمي فيه في نفسك ومتغضبيش .. زي انا ام مثالية .. انا هقدر اتحكم في نفسي . انا أتغلبت علي نفسي ونجحت في عدم الغضب و و و و ..
7- ولو فشلتي في مره في عدم ضبط انفعالاتك اوعي تقللي من نفسك وتقولي انا ام فاشلة او انا مش هعرف أربي .. قولي فشلت المره دي بس هنجح المره الجايه ان شاء الله . ودايما استعينى بالله واستغفري واستعيذي بالله من الشيطان .
8- حاولي تبينى الجوانب الإيجابية في أولادك، والثناء عليها لما طفلك يعمل حاجة صح او حاجة انتى بتعلميها لية ، مش بس كدة لا قولى لأبوه كمان عن التصرف الصح اللى عملة ابنك (اجعلي من استثمار الإيجابيات علاجًا للمنغِّصات).
9- اثبتت الدراسات والبحوث العلمية ان الاطفال اللي بيتعرضوا لنوبات غضب وعصبية وضرب من الأهل اكثر عرضه للأمراض النفسية والعصبية والاكتئاب والشعور بالوحده والانتحار في بعض الاحيان من غيرهم
———
ثالثاً :
طيب لما ولادك يغلطوا تعملي ايه كبديل للعصبية؟
مهمو مش معقول تتقهري وتسكتي هههه لا طبعاً لازم تطلعي الشرير اللي جواكي D:
1- لما طفلك يغلط استعيذي بالله من الشيطان الرجيم و عاقبية بهدووووووء بس المهم يكون عارف انه غلط وتسأليه انت عارف ان دا غلط ؟ ويكون عارف بيتعاقب ليه . في طفل ينفع معاه انك تتجاهلية وتسبيلة المكان وتقوليلة ماما هتطلع بره عشان انت غلطت في كذا .. وتكوني محدده مدة العقاب ودا بيكون عقاب معنوي . تجاهل او مخاصمه او عدم اللعب معه او عدم احتضانه وتقبيله وهكذا ..
2- في طفل ييجي بالحرمان من لعبة او موبايل او تاب او كرتون كنوع من العقاب .. ودا عقاب مادي .
3- في طفل مينفعش معاه غير انك تخرجيه بره الاوضة لمدة دقائق معدودة ويدخل لما يعتذر كنوع من الإبعاد .
4- لو طفلك فوق خمس سنين اختاري 3 عقوبات تشوفيهم مناسبين زي حرمان من شيء بيحبه او عدم الذهاب للتنزه او انك تحبسيه . وتقوليلة اختار عقوبة منهم عشان انت أخطأت في كذا .
5- العقاب الهدف منه تقويم سلوك الأطفال مش تعذيبهم . ولازم بعد ما تعاقبي طفلك وتنتهي العقوبه تقعدي وتقوليله اعتذر لماما لانك اخطأت في كذا عشان يعرف بيتعاقب ليه وبعد ميعتذر تحضنية وتبوسية .
6- لو طفلك اتعلم من خطأه ومكررهوش كافئيه واشكريه عشان يفضل مستمر في الصح .
7- كل طفل ليه نوع عقاب يناسبة فاختاري بحكمة اللي يناسب طفلك .
———-
رابعاً :
عشان تضمني ان ولادك يطيعو أوامرك فإن بعض علماء التربية ينصحون باتباع هذه النصائح …
1- الحرص على جذب انتباه الطفل قبل إعطاء الأوامر .. اندهي علي ابنك واقفي ادامه وابدئي كلميه
2- استخدام لغة يفهمها الطفل و إعطاء الأوامر ببطء ووضوح كافٍ عشان طفلك يفهم ويعرف ينفذهااا ..
3- عدم إعطائه أوامر كثيرة مرة واحدة. واحده واحده مهما كان دا طفل .
4- عدم تحدي الطفل والعناد معه لكي ينفذ الأمر. ﻷن وقتها هيكون الموفف تحول اتحدي وحد فيكم هيخسر ..
5- مكافئة الطفل على الطاعة والسلوك السوي ( بشيء مادى..ربنا يهدي اولادنا جميعا