طريقة تخزين البامية

16

Get real time updates directly on you device, subscribe now.

الباميه المناسبه للحفظ لازم تكون متوسطة الحجم او اكبر شويه علشان
الماده اللزجه ما تنتشرش وتكون كتير
لانك كل ما جرحتى الباميه كلما زادت الماده اللزجه
بمعنى ان عدد الباميه الصغيره في الكيلو كتير جدا
والمتوسطه اقل والفوق متوسطه اقل
انا باشتريها صغير على كبير على وسط وواضح في الصوره
وطبعا كل ما باقلم العدد الصغير باجرح كمية كبيره وبتزيد الماده اللزجه

الطريقه
اشتري كمية الباميه المناسبه لاحتياجك
اغسليها كويس واتركيها تجف
ومباشرة ابدأي قلميها لان الشوك بيختفي مع الباميه الي اتغسلت
ويادوب جفت بيكون املس ولازق في الباميه
لو سمحتى قلمي الباميه بطريقه لف السكينه حول قمع الباميه
لانه به ريحة وطعم الباميه ولانك لو جرحتى الباميه وظهرت البذور
هتزيد جدا من ظهور الماده اللزجه وانتشارها

جهزي ميه ساقعه كتير وفي عدة اوانى مناسبه للكميه
لا يقل عن 4 اوانى او 5
لانى مش باحط الباميه تحت الحنفيه علشان الميه مع قوتها بتخرج الماده اللزجه

ولعى النار على اناء به ميه مناسبه لكمية الباميه وقليل من الملح حسب الكميه
واول الميه ما تغلي كويس جدا نزلي الباميه واوعى تقلبي الباميه سيبيها تغلى
واول ما تغلي الحله كلها ضيفي ليمون مش كتير ليمونه متوسطه لكل 2 كيلو باميه

لان الليمون بيصفر لون الباميه وقلبي باداه واسعه مره واحد بحيث الليمون يصل لكل الباميه
وبهدوء لو سمحتى واوعى تتركي الباميه تغلي اكتر من دقيقتين

اطفي النار وبسرعه صفي الباميه ونزليها بالمصفه في اول وعاء به ميه ساقعه
دقيقتين وصفيها ونزليها في الوعاء التالي وهكذا حتى تبرد تمام
وفي آخر وعاء ياريت تكون ميه مبرده او بها تلج
اتركيها تتصفى تماما

واحفظيها في اكياس محكمة الغلق كميات حسب احتياجك
واحفظيها في الفريزر
وبالف صحه وعافيه

Get real time updates directly on you device, subscribe now.

التعليقات متوقفه