طاجن مكرونة بالكبد والقوانص ( أكلات سريعة )

وصفتنا انهاردة سريعة ولذيذة وحتعجبك أوي وكمان ممكن تكون عشا جميل وغدا كمان ولو حد جالك فجأة تعمليها علي طول حتعجب ضيوفك جدا

المقادير والطريقة

عباره عن 300 جرام مكرونه قلم ونص كبد وقوانص أول حاجه بنجيب الكبد والقوانص ونغسلها بماء ومعلقة خل وبعدين نجيب بصله ونشوحها على النار مع معلقة زيت زيتون ومعلقة ثوم مفروم ناعم وبعدين نقطع القوانص صغير جدا وننزل بيها على البصل والثوم ونهدي النار علشان تستوي نصف سوه وبعدين ننزل بكبده في الآخر مع الفلفل الألوان وملح وفلفل أسود مع سبع بهارات ونكون سلقين المكرونه نصف سوه وبعدين في حله من غير أيد نضيف شويه من القوانص والكبد مع قليل من الصلصه وبعد كده نضيف المكرونه وتدخل الفرن لمدة 10 أو15 دقيقه وبالهناء والشفا