صينية سمك بوري ….. أكلات سريعة

– سمك بورى أو تونة بلدى، أو أى نوع سمك مناسب للصوانى
– بطاطس شرائح
– عصير ليمون
– شبت وبقدونس وكزبرة
– فلفل أخضر بارد وحامي
– زيت
– ملح وكمون
– ثوم
الطريقة:
1- تتبلي السمك بالثوم المفروم والكمون والملح وشوية من عصير الليمون، وتبلى السمك من جوة وبرة وشيلي شوية من التتبيلة في طبق خارجي.
2- قطعي البطاطس حلقات، واغسليها كويس.
3- حضري الصينية وحطي فيها شوية زيت، ورصي حلقات البطاطس فى الصينية.
4- حطي باقي التتبيلة على البطاطس وقطعى معها الشبت والبقدونس والكزبرة والفلفل الحامى والبارد.
5- حطي السمك بين حلقات البطاطس ومن فوق.
6- حطي بقيت الشبت والبقدونس والكزبرة وكمية عصير الليمون والزيت.
7- حطي الصينية على نار هادئة وضيفيلها شوية مياه.
8- دخلي الصينية فى الفرن بعد تسخينه على درجة حرارة 180 درجة مئوية وبالهنا والشفا.