حماتك رطاطة ازاى تتعاملى معها من سلسلة مقالات مثخرة بالثه مش بالسين

فى حموات بعيد عنك افظع من الراديو وقنوات الفضائية لانها شغالة اربعه وعشرين ساعة لما تصحى الصبح تلاقى حماتك مذيعة وتحلل اخبار اللى تسمعها من جارتها اللى فى شارع او العمارة او النجع تحسهم فاتحين فيس بوك ويعرفوا الاخبار فلانه اتجوزت وفلانه اطلقت وفلانه جوزها يعنى ملقيش كوباية من غير ريحة اقال ايه ريحتها عطر من اللى حطاه  عشان مقصوفة الرقبة مراته حاطلها كلتين بودرة  و غير منكير وتنط حماتك تقول زى المزغودة على قلبها مرات ابنى مانفعه فى حاجة ابدا … برغم حضرتك تكونى سفه التارب عشان تخلى البيت بيبرق من النظافة بس رغى حماتك بعيصبك ويخليكى تتعصبى عليها ويجى جوزك على حسب شخصيته وتعامله معاكى
هوقدامك حل من اتنين يا تبقى رغاية درجة اولى وتنشر ى مع حماتك سير الناس وتبقى حبيبتها توب لكن بعد ماهد يها ضهرك ياخرابى على اللى هتقوله عليك وتيجى اى واحدة فى البيت الحقونى بخمسة جنيه برشام ريفو فيقولها ليه اصل مرات ابنى كلت دماغى وصدعتنى
الحل التانى ودن من طين ودن من عجين وتفرسيها وتقوليلها ياحماتى ياحبيتى صباح الخير على عيونك يا اجمل حماة فى الدنيا وابتسامة حلوة وتعتبريها بتكلم فى الحيطان ودن من طين ودن من عجين بس دا مش مبرر انك تهملى فى شغل بيتك وتهتمى بيه
وبرضو لما تيجى تشتم عليكى قدام حد من صحابتها ولا بنتها تيجى بهزار ودلع تبوسى راسها اه عارفك عاوزة تقطمى زمارة رقبتها بس تبوسى راسها دانتى سكر ياحماتى ربنا يخليكى ليا ويجيوا ولادك تخليهم يحبوا ستهم ويبوس ايدها ولوجابوا شيبسى يدوها كيس او شوية منه وطبعا هى هتحاول تعرف انك وجوزك بتجيبوا سيرتها ازاى وتوقع العيال فانتى متشتميش عليها ابدا باى شئ وقولوا دى جدتكم حبيبتكم مع استمرارك فى خدمتها بالمعقول طبعا
ولو عيانه تكترى من الدعاء ليها وتحرصى جامد على معاد الدوا ابتعها ومتتكليش على اى حد غيرك سعتها هتكسبى قلب جوزك وتربعى فيه وبرضو مع مرور الوقت هتتغير معاكى صدقينى ياما حموات قبل وفاتهم دعوا لحريم ولادهم اكتر من بناتهم طبعا هتقولى وانا هستناها لغاية ماتقرب تموت لاء لكن لو عاوزة تطلعى جبل هتطلعيه من اول خطوتين ولا عيل من اولادك كبر فى خلال من يومين من ولادته  فتقدميله ابتدائى فلازم المنطق والصبر
وعقبال ماتغنى حماتى يانينة مبقتش تطلع عنيا