البيتزا بعجينة السبع دقايق

4

عجينة السبع دقايق دي هايله من اختراعات الاستاذه سالي فؤاد
والتكات بتاعتها في ترتيب اضافة المكونات
الاول معلقه كبيره خميره عليها معلقة سكر وكوب ماء دافي واقلبهم كويس جدا وبعدين اضيف عليهم حوالي كوب دقيق واقلب كويس جدا لحد ماتبقي عجينه شبه الزلابيا كده ناعمه وسايله وبعدين اغطيها لمده 7 دقايق برده
وبعد كده اضيف علي الخلطه اللي عملتها معلقه كبيره خل مع بيضه واحده ومعلقتين لبن بودره وتقلب كويس جدا وبعدين اضيف معلقه صغيره ملح وبعدين احط الدقيق بالتدريج واقلب واقلب هتاخد دقيق لحد العجينه ما تتلم بس تبقي طريه مش يابسه ضروري العجينه تبقي طريهه مش ناشفه
والشطاره بقي في العجن تعجنيها كويس جدا جدا لحد ماتبقي شبه اللبان كده ناعمه وطريه ومتلزفش وتمط معاكي
لميها بقا يا حلوه وغطيها وسيبيها تخمر وترتفع جدا وبعدين اشتغلي بيها كل حاجه
تنفع بيتزا او كرواسون او فطائر محشيه اي حشوه ف الدنيا

التعليقات متوقفه