أنا عوزة إبني يطلع أحسن مني

مقالة مهمة من دكتور منير الشاذلي تنمية بشرية يبدع فيها عن تفكير اللآباء في جعل ابنائهم أفضل منهم

ناس كتير بتضحي وتحرم نفسها من حاجات كتير في الدنيا علشان خاطر ولادهم بس السؤال هنا هما كدة حيبقو سعدا؟ في معظم الاحيان لا طبعا

رغم ان الاهل نفسم ولادهم يطلعو احسن منهم ويوفرو ليهم حاجات متوفرتش ليهم الي بيحصل العكس تماما

الاهل اللي بيضحوا علشان خاطر ولادهم و بيعيشوا حياه تعيسه مابيخدوش بالهم ان المثال اللي هم بيدّوا لولادهم هو ان لازم الواحد يضحي بسعادته علشان “المركب تمشي “.. و في معظم الاحيان ولادهم بيعملوا نفس الاختيارات بعد كده.

كمان الاهل اللي بيتحملوا اكتر من طاقتهم علشان يعلٖموا ولادهم في مدارس اكبر من طاقتهم ، في معظم الاحيان بيحملّوا ولادهم توقعات اكبر من قدرتهم …توقعات بتتناسب مع حجم التضحيات اللي عملها الاهل… و ده في معظم الاحيان بيطلّع ولاد مش سعدا.. و بيأثر علي العلاقه اللي بين الاهل و الاولاد.

الخلاصه من كده ، هو ان احسن حاجه بشوفها ممكن يعملها الاهل لولادهم انهم يشتغلوا علي نفسهم و علي سعادتهم… علشان ده بيكون اكبر مثال الاهل ممكن يدّوه للاولاد علشان يطلعوا سعدا….و علشان الاولاد مايشيلوش المشاكل و العقد اللي اهاليهم ماعرفوش يحلّوها..

لو عايز ولادك يطلعوا سعدا في حياتهم…. اشتغل علي نفسك و خليك سعيد في حياتك!