أربع طرق فعالة لإزالة بقع العرق من الملابس

البقع الصفراء الناتجة عن العرق ومزيلاته خصوصاً الصناعية من أسوأ البقع اللى بتظهر فى الملابس، واللى من الممكن عدم استخدام الملابس دي مرة أخرى بسببها، حتى مع إستعمال أغلي أنواع الغسالات الاتوماتيك والمساحيق.

دي أربع طرق شائعة ممكن عن طريقها نتخلص تماماً من البقع دي :

1 – الليمون :
عصر كمية مناسبة من اللمون ونزودها مياه دافية بنفس كمية الليمون تقريباً ونحطها مكان البقع ونفركها كويس خمس دقائق قبل وضع الملابس فى الغسالة.

2 – البيكينج صودا :
اخلطي 4 ملاعق من بيكروبونات الصوديوم في كوباية ملايان ربعها مياه بحيث يديكي الناتج بتاعه عجينه تفرديها مكان البقع وتدعكي بعد كدة الملابس بالايد أو بفرشة وتسيبها لمدة ساعة قبل غسل الملابس.

3 – محلول الأمونيا (النشادر) :
ادمجي نصف كوباية من النشادر ” بالأمونيا ” مع أربع كوبايات مياه، بعد كدة انقعي الملابس اللى فيها البقع فى فى المحلول ده وبعد دقائق البقع هتختفي تماماً.

4 – الخل الأبيض :
انقعي الملابس اللى فيها البقع فى كمية مناسبة من المياه والخل، فالخل معروف بنتائجه الفعال فى التنظيف وازالة البقع واتركيه لمدة ساعة قبل غسله.