مشكلة الصيف خصوصا ودرجة الحرارة الولعة اللى احنا فيها دى بتخلى العرق مع بكتريا معينة بتسبب رائحة كريهة بتضيقك وتضايق اللى حواليكى ولكن المشكلة فى مزيلات العرق الصناعية ليها بلاوى ومخاطر صعبه مع كتر استخدامها
هتقولى ليه ؟
اقولك لانها تحتوى فى مكوناتها الألمنيوم والبارابين والعطور الكيميائية السامة التي تسبب السرطانات والزهايمر غير تأثيرها الاكيد على على الغدد الليمفاوية القريبة من الإبطين والغدة الليمفاوية مهمة لجسم لانها بتصد الجراثيم وتعمل عمل الجهاز المناعى وتتواجد فى جانبين العنق وعند الخاصرتين وتوجد فى الرأس والرقبة وطبعا قريبة من الابطين
طيب هتقولى الوصفة ايه واختارنا العناصر دى ليه بذات ؟
3ملعقة كبيرة من شمع العسل المبشور
ليه لانه هيساعد ان الخليط يجعله أكثر صلابة وتماسك
المطلوب التانى تلت كوب (⅓) كوب نشاء الذرة
ليه نشاء الذرة بتعمل على امتصاص الرطوبة و حجز الرائحة
المطلوب التالت تلت كوب من زيت جوز الهند
ليه مرطب فعال للبشرة غير انه مضاد للجراثيم والفطريات والبكتيريا المسببة للرائحة الكريهة
المطلوب الرابع ملعقتين كبار من زبدة الشيا
ليه مرطب فعال جدا للبشرة ضد الجفاف ولعلمك بتبقى مهمة بيستخدموها لانها فعالة بشكل مبهر بعد حلاقة او ازالة شعر الوجه والابطين
المطلوب الخامس معلقة كبيرة من صودا الخبز
ليه بتمنع عدوى بكتيريا الرائحة والروائح الكريهة
المطلوب السادس من 10 لغاية 15من قطرت زيت أساسي عطري
ليه تمتلك الزيوت العطرية فوائد علاجية جسدية تحفة وليه استخدامات فى علاجات نفسية
فيه ملاحظة لابد ان تضيعها فى الاعتبار فى من يفضل عصير ليمون مخفف يحطها مكان صودا الخبز وخصوصا لو البشرة حساسة ممكن تتتجليها فى الوصفة وفى من بتقلل من كمية تخليها نص معلقة
طريقة التحضير :
- نجيب شمع العسل ونضعه في وعاء مناسب وننقل الوعاء لوعاء تانى يكون فيه ماء ساخن
- ونحرك لغاية ما يذوب شمع العسل على نار خفيفة
- نضيف زبدة الشيا ونحرك لغاية ما تذوب
- نضيف زيت جوز الهند نحرك لغاية ما تحسى كلها اندمجت مع بعض من المكونات
- نطفى النار، ونشيل الوعاء ونضعه على جنب
- ثم نضيف صودا الخبز ونشاء الذرة
- نحرك الخليط حتى يصبح بشكل سلس وناعم و زى الكريمي
- و نضيف قطرات الزيت الأساسي العطري مابين 10 لغاية 15
- نسكب الخليط وبيكون لزج في وعاء صغير لازم يكون بغطاء محكم ونبرده لكذا ساعة لحد ما يتماسك، وتقدرى تستخدميه
- يترك الخليط على الجسم والإبطين لمدة 3-4 دقائق لغاية ما يجف قبل ان تضع الملابس عليه
- وهناك من تفضل انها تدمج مكونات مع بعضها بدون تسخين لكنها بتحتاج تحريك وبذل جهد فى تقليبها
وانتظرينا مع وصفات تانية هتفديك يهمنا سعادتك وصحتك