حبيبتي الام
اللى طبعا تعبانة من شغل البيت وحاسة انك لوحدك لا حبيبتى كلنا دة وخدى بعض النصائح اللى تبتدى بيها يومك
1- اصحى الصبح منتعشة كدة وخدى الشاور بتاعك واتوضى وصلي الصبح
2-حطى مكياج بسيط والبرفان اللى بتحبيه والبسي حاجة خفيفة لشغل البيت
3- حنروح ع التلاجة نطلع الاكل المفرز سوا لحمة او فراخ ونسيبها تفك فى المطبخ.
4- لفة فى الاوض نفتح الشبابيك والبلوكونات ونهوي السراير ونطلع الهدوم الي محتاجة غسيل وع الغسالة تاخد دورة غسيل.
5-وانتى واقفة كدة فى الحمام غسلة للحوض والبانيو وقعدة الحمام اتوضي وصلي الظهر لو اذن.
6-ادخلى جهزى الغدا وطبعا اى مواعين تخلص وانتى طالعة من المطبخ.
7- خلصتى الغدا انشري الغسيل اللى فى الغسالة وشيشي الاوض والبلكونات.
8- خللى الولاد يشاركو فى تجهيز الغدا وكمان يلمو معاكى الاطباق وعلى المطبخ.
9- خلصتى مواعين الغدا متنسيش تصلي العصر.
10- ذاكري للولاد وشجعيهم على المذاكرة وهاتي لهم هدايا صينية كيكة فشار اى حاجة من اللى بيحبوها.
11- ممكن تتفرجو على فيلم حلو او تلعبو مع بعض وتحفظيهم قران.
12 – معلش اكوي هدوم جوزك برضه غلبان وشقيان.
13 – لو جوزك بييجى بدري من الشغل حاولي تاخدى شاور وتسنيه وانتى مبتسمة وبلاش التكشيرة اللى طبعا ولادنا هما السبب فيها هو ملهوش ذنب العيال كلهم كدة وربنا يهديهم.
14 – حضري العشا ويكون خفيف وبرضه الولاد يساعدوكى فى تجهيزه واوعى تنسي تصلي العشا.
15- واخيرا اتمني انك تنامي من غير ما تاخدى مسكن لان انا نفسي باخد مسكن لانى بكوووون خلصت.