وصفه الكنافه بالقشطه

12

Get real time updates directly on you device, subscribe now.

فجئ ضيوفك واولاديك باجمل وصفات حماتي اللي كلها تميز جبتلك وصفه الكنافه اللذيذبالقشطه                “المقادير: نصف كيلو كنافه تقريبا -سمن بلدى كميه مناسبه لكميه الكنافه ممكن جزء نباتى مع بلدى.
ولعمل القشطه: كوب لبن مع كوب كريمه سايله.
او ممكن لبن بس او لبن مع معلقتين كبار كريمه بودر حوالى اربع معالق نشا كبار.
هنغلى اللبن بالكريمه وندوب النشا فى شويه ميه مش كتير واول ما تغلى ننزل بالنشا مع التقليب لحد ما القوام يربط نسيبها تبرد وغطى وشها بالنايلون عشان ماتعملش قشره. هنقطع الكنافه بس مش ناعم ونفكها من بعضها ونحط عليها السمن السايح وندعكها كويس لحد ما الكنافه تشرب السمن وتكون بتلمع وندهن قالب الكب كيك ونوزع فى كل واحده كميه من الكنافه ونضغط عليها اوى ممكن وضغطها بقاعده كوبايه ونخلى الكنافه يكون ليها حرف او جوانب عاليه.
بعد ما ضغطنا وعملناها زى العش كده نحط معلقه كبيره من القشطه نحط كنافه تانى على الوش
ونغطى كويس واضغطى بصابعك على الحواف لتحت عشان الجوانب تقفل على بعض واضغطى خفيف على الوش ونساويها عشان القشطه ماتخرجش وندخليها فرن متوسط الحراره لحد ما تاخد لون دهبي.
خرجيها وسيبيها..خمس دقايق تبرد عشان ماتتكسرش واحنا بنقلبها ونسقيها بالشربات البارد عليه رشه فانيليا ورشى مكسرات حسب الرغبة او كريم شانتيه”

Get real time updates directly on you device, subscribe now.

التعليقات متوقفه