طريقة عمل البسطرمة البيتي

وصفتي ليكوا النهاردة إزاي تعملي بسطرمة بيتي زي الجاهزة بطريقة سهلة و مكونات متوفرة
لكن خدي بالك علشان ما يحصل معاكي زي إلي حصل معايا …
ما تحطي ملح كتييير علشان ما تحدق معاكي
أوعي تجيبي خليط الحلبة المطحونة من عند العطار علشان أنا جبتها و كانت مغشوشة
فاهليكي شطرة كدة وإشتري الحلبة الحصي و إغسليها و بعدين نشفيها و سببها تجف من الماء و بعدين إطحنيها

( عرق لحمة فيلية فليتو أو تريبينكو + نصف كوب/ أو ٢٠٠ جرام ملح خشن أو عادي للتمليح ).
خليط عجينة التوابل لتغطية عرق اللحمة :
( كوب حلبة حصي مطحونة ناعم + نصف كوب ثوم مفروم ناعم فريش مش مجمد +
٢ معلقة كبيرة من التوابل دي ( بابريكا + كسبرة ناشفة+ كمون + فلفل أسود + جوزة الطيب )+
و معلقة صغيرة ملح ,+ معلقة كبيرة زيت نباتي + ٣/٤ كوب ماء أو أقل للعجن ).

طريقة البسطرمة … يلا بينا
أول خطوة : ( تمليح البسطرمة لمدة ٢٤ ساعة ):
هتجبي عرق اللحمة و بعدين تشفية من أي دهون أو شغت لحم بالشكل ده،
و بعدين اغسلي العرق بالماء بسرعة و بعدين نشفي أي ماء تماما بي ورق المطبخ بالشكل ده،
و بعدين تبدأي تعملي أخرام أو فتحات في عرق اللحمة و تحطي فيها الملح و تغطي العرق بالملح،
و بعدين لفيها في شاش و بعدين حطيها علي شبكة و تحتها صنية و عليها أي تقل و تسبيها لمدة ٢٤ساعة علشان تنزل كل السوائل في اللحمة و تجف تماما .

تاني خطوة 🙁 تحنيط البسطرمة لمدة ٢٤ ساعة ) :
و هنا بقي هنجيب عرق اللحمة بعد مايكون نزل كل السوائل و نبدأ نشيل الشاش و تمسح من علية أي ملح تماما .. و بعدين نحط فيه خيط مطبخ علشان نعلق البسطرمةو نلفة تاني في شاش نضيفة و نسيب اللحمة تتحنط لمدة ٢٤ ساعة تاني .

ثالث خطوة : (تغليف البسطرمة بعجينة التوابل و تسببها فيها لمدة ١٠ أيام ):
هنجيب بولة و نخلط كل مكونات عجينة التوابل و نعجنها بالماء بالتدريج لحد لما نحصل علي عجينة مناسبة و متماسكة شوية بحيث لما نغلف بيها عرق اللحمة تمسك فيه و ما تقع منه
بالشكل ده …. و حطي عرق اللحمة كلة تماما و بدون أي فرغات و لفيها بشاش و خلاص كدة سببها لمدة عشرة أيام …

و بعدين فكيها من الشاش و قطعيها و كيسها علي طووول الكمية إلي بتناسبك وضعيها في الفريز علي طووول لحين الإستخدام