إجهزى وجهزي إبنك لدخول المدرسة

19

Get real time updates directly on you device, subscribe now.

☆دخول الحضانة أو المدرسة ★
إزاى أدخل ابني الحضانة … أو المدرسة …
إيه الطريقة الصحية عشان ما يحسش إني بأهجره و في نفس الوقت يتعلم الاستقلالية و الاعتماد علي نفسه…..
إيه هي أعراض توتر الانفصال و إزاى أجنب ابني الانفصال غير الصحى……

أول انفصال في حياة الطفل إن كان بدخول الحضانة وأيضا في الفطام يعد خطوة أساسية في بناء مفهوم الطفل عن الأمان و ثقته في الكبار….

ابدأى أنك عمرك ماتهربي من ابنك من غير ما تبلغيه أنك ماشية…..
هو ممكن يعيط شوية…..لكنه هيكون دايما واثق أنك عمرك ما هتختفي……
تاني تحدي هو عدم اكتمال معني الديمومة عند الاطفال حتي سن الثالثة……
يعني إيه ؟
يعني الطفل حتي سن سنتين و نصف الي ثلاث سنوات بيعتقد أن ماما لو سابتني مش هترجع تاني و ده بيوتره جدا……

اعمل إيه.. ؟
ندخل الحضانة بالتدريج في خلال فترة زمنية من أسبوعين لشهر حسب طبيعة الطفل و سنه……

الأول الطفل يزور الحضانة و يتفرج عليها مع والدته…..
بعد كده بنبدأ نتبادل معلومات عنه مع المعلمة الي هتستقبله و نبدأ زيارات قصيرة للحضانة في وجود الأم…

بعد يومين تلاتة من زيارتنا للحضانة ووجود الأم مع الطفل تبدأ تتركه مع المدرسة الي بدأ يتعرف عليها و يعمل معها علاقة نصف ساعة…..
تودعه الأم قبلها و تعده أنها رايحة تجيبله حاجة بيحبها و لازم توفي بوعدها……

نبدأ نزيد النصف ساعة دي بالتدريج حتي يعتاد الطفل علي المكان و يترك الوقت كله…..

حاولي ما يكونش فيه تغييرات أخري في حياة الطفل أنه رزق بأخ جديد مثلا أو والده سافر لكي لا يزيد توتره…..

حافظي علي روتين طفلك في النوم في فترة دخول الحضانة لأنها هتزيد من سهولة تأقلمه علي المكان…..

ما تسيبيش طفلك من أول يوم فترات طويلة أو تسيبيه يعيط و تمشي فترات طويلة و تقولي هيتعود…..
الأمر ده بيأثر علي الطفل جدا و بيسبب اكتئاب و قلق الطفل …..

تغير المزاج العام للطفل في فترة دخول الحضانة أو المدرسة أمر مقبول بسبب التغيير ….
اقبليه و احضنيه كتير و هتلاقيها فترة و عدت بسلام….

Get real time updates directly on you device, subscribe now.

التعليقات متوقفه