أفكار مهمة لتسهيل الطبخ

1 خلي عندك في الفريزر كيلو لحمة معصجة

حيساعدك في أي عزومة أو طبخة سريعة حطي كبشة منها علي طبخة كوسة أو بسلة ومكن تبقي لوحدها مع بطاطس وحبة رز وشوية سلطة

2 عملي دريسنج_السلاطة .. هاتي ازاة بيبسي بلاستيك صغيره..
حطي فيها معلقة ملح ومعلقة كمون وربع فلفل اسود ونص معلقة زعتر ونص كسبره وامليها تلات اربعها خل والباقي زيت وشيليها في التلاجه.. وكل ما تعملي سلاطه ولا تقطعي طماطمايه رجي الازازه دي ورشي منها رشه على السلاطة.. يا سلام لو زيت زيتون. ويا سلام لو تحطي فص توم مفدوغ..

3 شيلي فراخك_متبلة .. اول ما تجيبي فراخك وتنضفيها تبليها ببهاراتك
وشويه خل وشيليها متبله في الفريزر كل كيس فيه عدد القطع بتاعةاليوم.. هتسهل عليكي كتير.. لو هتشويها اول ما تطلعيها رشي عليها لمون واضربي بصلايه مع طماطمايه وحطيها في صينية بسبوسه او صينيه ملهاش حافه ودخليها الفرن من غير مايه.. ساعه واحدده .. لو هتسلقيها طلعيها في ماي مغليه على النار مع فصين حبهان وبصلايه.. الفراخ المتبله طعمها مختلف فعلا..
4 طاسه_تيفال سليمه ممكن تحل محل الميكرويف في التسخين..
حطي اكلك فيها وعلى نار هاديه وغطيها 5-8 ق هيكون الاكل سخن وكون الطاسه تيفال هتخلي الاكل ميلزقش وبنفس رصته في الطاسه ينزل في الطبق.. وخليها طاسه مش حله عشان تعرفي تزحلقي منها الاكل..

وكفتة_اللحمة حطي عليها توابلها مع البصل واعمليها صوابع وشيلها
في اطباق فويل فالفريزر وطلعيها تفك نص ساعه.. وحطيها بطبقها في الفرن .. او ممكن تكوريها وتحطيها في الفريزر،ولما تطلعيها سويها في صلصة وتبقى داود_باشا
– لو بتعرفي تعملي مومبار .. احشيه واسلقيه وشيليه مسلوق في الفريزر
..ويوم ما تحبي تستخدميه سيبيه يفك واغلي مايه فيها معلقة صلصه وشويه ملح وفلفل وسقطيه فيها دقيقه وطلعيه حمريه.. هيكون زي الفريش..
عملي صينيتين_جلاش وقطعيهم وشيلي على عددكم في اكياس
بحيث تعملي لكل واحد 2-3 قطع حسب حجم الخارطه، اول ما تعمليه شيليه عشان يبقى فريش.. وطلعيه في الايام اللي حاسه فيها ان سفرتك ناقصها حاجه، تسخنيه في الميكرويف..او في طاسه تيفال على نار هاديه.. او تولعي فرن بوتجازك واول ما يسخن قوي حطي الجلاش فيه واقفلي النار واقفلي الفرن عليه.