أسباب بكاء الأطفال

12

Get real time updates directly on you device, subscribe now.

من اكتر الحاجات اللي بتوتر اي أم بكاء ابنها من غير ما تكون عارفة السبب..
خلينا نقولكم أشهر الأسباب اللي تقلق الطفل و تخليه يعيط بشدة :
** إنه يكون جعان
**إنه يكون الحفاض بتاعه عايز يتغير
**إنه يكون فيه التهاب مكان الحفاض
**إنه يكون بردان أو حران
**إنه يكون متضايق من إضاءة شديدة أو ضوضاء
**إنه يكون زهقان من المكان
**إنه يكون عاوز يتشال
**إنه يكون بيسنن
**إنه تكون ناموسة قرصته
**إنه يكون عنده غازات في بطنه
**إنه يكون عنده مغص
**إنه يكون عنده ارتجاع
**إنه يكون عنده حساسية من اللبن البقري
……
أسباب أخرى بالفحص و التحاليل زي
**التهاب مجرى البول
**التهاب في الاذن
و أسباب طبية أخرى
……
طيب الأم تتصرف ازاي ؟؟
أغلب الامهات هيشوفوا الحفاض و يرضعوا الطفل و أغلب الأطفال هتسكت ..
مع مراعاة إن الطفل ما يكونش بيرضع و هو نايم عشان ما يحصلش عنده التهاب في الأذن و الأم تكرعه بعد الرضاعة و ممكن تنيمه على بطنه بعد الرضاعة على رجلها أو تحت عينيها ربع ساعة…

طيب لو ما سكتش ..
هتتحول الأم تلقائيا للمفتش كرومبو عشان تعرف ايه المشكلة ..
تفتش الطفل حتة حتة..تبص ورا ودانه و في ثنيات رقبته الصغيرة دي يمكن في التهابات ..
تبص بين صوابعه يمكن فيه فتله لافة على صباعه ..تقلعه هدومه كلها يمكن الحفاض كان مسرب و مش واخدة بالها .. تحميه بمياه دافيه و تعمل له مساج بالزيت على جسمه…و تلبسه هدوم تانية
….
طب لو ما سكتش
حطي ايدك على بطنه..لو لقيتيها شادة يبقى الولد ممغوص ..
اعملي تمارين المغص ..بدلي رجليه زي اللي راكب عجلة و هو نايم
و ممكن تديله دوا المغص …..
……..
فيه أطفال عندهم سبب تاني للعياط و هو الارتجاع..
ارتجاع الحمض على المريء بتاع الطفل مؤلم جدا ..و بيخليه يعيط و ياخد وضع مميز ..بيشد رقبته و راسه لورا..و ممكن كمان يبقى فيه قيء بعد الرضاعة ..
احسن حل يرضع كميات بسيطة كل على فترات متقاربة و يتحط مخدة ترفع راسه و جسمه و كأنه قاعد عشان الحمض يفضل مكانه ما يرجعش..و ممكن ادوية يكتبها الطبيب
………
عملتي كل ده و لسة بيعيط ..
اعرضيه على الطبيب..
و إياكي و الأدوية المنومة للطفل لأن لها مضاعفات سيئة عليه..

Get real time updates directly on you device, subscribe now.

التعليقات متوقفه